EKSKLUZIVE/ Horror në Londër! Nertil Buzit i shkulën thonjtë me pinca, u mbajt peng për 400 mijë paund – dosja që tronditi Britaninë dhe misteri pse prokuroria u tërhoq nga akuzat
Detaje të rënda kanë dalë në dritë nga një prej ngjarjeve më tronditëse që përfshiu shqiptarin Nertil Buzi në Londër. Sipas dosjes hetimore, ai u rrëmbye nga një grup shqiptarësh dhe u mbajt peng për disa ditë, ndërsa iu nënshtrua torturave çnjerëzore me qëllim që familja e tij të paguante 400 mijë paund për lirimin.
Hetimet zbuluan se gjatë pengmarrjes Buzi u dhunua barbarisht, ndërsa autorët dyshohet se i shkulën edhe thonjtë me pinca. Pamjet e torturave, sipas raportimeve, iu dërguan familjarëve për t’i detyruar të paguanin shumën e kërkuar.
Pas sinjalizimit të familjes, autoritetet britanike organizuan një operacion që çoi në lirimin e tij dhe arrestimin e disa personave të dyshuar. Dyshimet e hetuesve ishin se ngjarja lidhej me konfliktet mes grupeve kriminale shqiptare në Britaninë e Madhe.
Megjithatë, zhvillimi që ngriti më shumë pikëpyetje ishte vendimi i prokurorisë britanike për t’u tërhequr nga një pjesë e akuzave ndaj disa prej të arrestuarve, pasi u vlerësua se provat nuk ishin të mjaftueshme për të mbështetur të gjitha akuzat në gjykatë.
Ngjarja mbetet një nga episodet më të rënda të dhunës mes grupeve kriminale shqiptare në Mbretërinë e Bashkuar dhe rikthehet në vëmendje pas zhvillimeve të fundit që lidhen me emrin e Nertil Buzit.
ÇKEMI NEWS
Ti je pjesë e Atdheut
Na ndiqni në rrjetet sociale: Facebook • Instagram • TikTok • YouTube
#ÇkemiNews #NertilBuzi #Londër #Pengmarrje #Krim #Shqiptarët #Ekskluzive