Skandal në Spitalin e Korçës: Arrestohet kirurgu 72-vjeçar pas denoncimit të një 21-vjeçareje për ngacmim seksual
Një ngjarje e rëndë ka tronditur opinionin publik në Korçë, ku policia ka arrestuar kirurgun 72-vjeçar Nikolla Nunka, pas kallëzimit të bërë nga një paciente e re për ngacmim seksual gjatë kontrollit mjekësor.
Sipas informacioneve paraprake, 21-vjeçarja ishte paraqitur në urgjencën e spitalit me dhimbje të forta barku dhe të vjella. Pas ekzaminimeve, mjekët kishin vendosur që ajo t’i nënshtrohej një ndërhyrjeje kirurgjikale për heqjen e apandesit.
Por situata mori një kthesë të rëndë, pasi e reja ka deklaruar në polici se gjatë kontrollit mjekësor është prekur në pjesë intime nga kirurgu, i cili sipas saj e justifikonte veprimin si pjesë të ekzaminimit.
Menjëherë pas kallëzimit, policia ka ndërhyrë duke bërë shoqërimin dhe më pas arrestimin e mjekut 72-vjeçar, ndërsa organet hetimore kanë nisur verifikimet për zbardhjen e plotë të ngjarjes.
Ndërkohë, 21-vjeçarja vijon të jetë e shtruar në spitalin e Korçës nën kujdesin e mjekëve.
Ngjarja ka shkaktuar reagime të forta në opinionin publik, ndërsa pritet që hetimet të përcaktojnë me saktësi përgjegjësitë dhe rrethanat e incidentit.
ÇKEMI NEWS
Ti je pjesë e Atdheut
Na ndiqni në rrjetet sociale:
Facebook • Instagram • TikTok • YouTube
#ÇkemiNews #Korçë #Lajme #Shqipëri #Policia #SpitaliKorçës #Ngjarje #BreakingNews #Aktualitet
#Drejtësi #News #Albania