Një objekt gjigant nga hapësira e thellë, i quajtur 3I/ATLAS, po lëviz me shpejtësi marramendëse drejt sistemit tonë diellor, duke ndezur debatet mes shkencëtarëve dhe teoricienëve të konspiracioneve.
Fizikanti i njohur i Harvardit, Avi Loeb, ka hedhur një deklaratë tronditëse: ky objekt mund të mos jetë një kometë e zakonshme, por një sondë e dërguar nga një civilizim i avancuar alien. Sipas tij, mënyra si ndrit dhe pozicioni i tij i çuditshëm në hapësirë nuk përputhen me sjelljen e një komete normale. Ai paralajmëron:
“Nëse është teknologji aliene, mund të ketë ardhur për të na shpëtuar… ose për të na shkatërruar.”
Objekti, me madhësinë e një qyteti si Manhattan, ka një “shkëlqim përpara” – ndryshe nga çdo kometë e parë deri tani, që zakonisht lëshojnë bishtin pas tyre. Kjo ka ngritur pyetje të mëdha: a po marrim një vizitë të planifikuar nga një inteligjencë e panjohur?
Teleskopët si Hubble dhe Swift kanë kapur pamje që tregojnë praninë e ujit dhe akullit, duke sugjeruar se mund të jetë një objekt natyror. Por Loeb thotë se nuk mund të përjashtohet mundësia që ky “aktivitet” të jetë një maskim për të fshehur funksionin e vërtetë të tij.
Ndërkohë, komuniteti shkencor është i ndarë: disa e shohin si një mundësi unike për të studiuar një vizitor ndër yjor, të tjerë e shohin si një sinjal alarmi për sigurinë e Tokës. Nëse 3I/ATLAS është vërtet një sondë, askush nuk e di me siguri qëllimin e saj – shpëtim apo shkatërrim.
Çkemi News do të ndjekë hap pas hapi çdo zhvillim për këtë objekt misterioz. Nëse jemi në prag të kontaktit të parë me jashtëtokësorët… e vërteta do të dalë shumë shpejt.