Delvinë, 12 Gusht 2025 – Flakët që prej disa ditësh po shkrumbojnë kodrat e Jugut, sot kanë arritur pranë një prej pikave më të rrezikshme në vend: një impiant gazi në periferi të Delvinës.
Sipas burimeve nga terreni, zjarri ndodhet vetëm pak dhjetëra metra larg depozitave të gazit. Ekspertët paralajmërojnë se nëse flakët prekin strukturat e impiantit, mund të ndodhë një shpërthim me përmasa shkatërrimtare, që do të trondiste jo vetëm qytetin por të gjithë rajonin.
Banorët janë në panik, ndërsa shumë prej tyre kanë nisur evakuimin me mjete private. Ekipet zjarrfikëse po luftojnë me kohën dhe me erërat e forta që po përhapin zjarrin me shpejtësi alarmante.
Kujtojmë se gjatë viteve të fundit, Delvina nuk është përballur kurrë me një rrezik të tillë të drejtpërdrejtë për jetën e mijëra banorëve. Sipas skenarëve më të këqij, shpërthimi mund të shkaktojë një valë goditëse që të ndihet deri në qytetet fqinje dhe të helmojë ajrin në një rreze prej kilometrash.
Autoritetet ende nuk kanë bërë një deklaratë të plotë mbi masat e emergjencës, por burime konfidenciale thonë se është përgatitur një plan evakuimi masiv nëse situata përkeqësohet.
Çkemi News do të ndjekë në kohë reale çdo zhvillim nga terreni. Ky është një moment ku një vendim i gabuar ose një minutë vonesë mund të përcaktojë jetën dhe vdekjen e qindra njerëzve.