Kryetari i Partisë Socialiste Edi Rama zhvilloi këtë të diel një takim me kandidatët për deputetë të qarkut Vlorë.
Gjatë prezantimit të kandidatëve, Rama u shpreh se lista e PS-së për Vlorë është një mozaik me njerëz që mund të çojnë më tej zhvillimin e qarkut.
“Më vjen mirë që në një skuadër që ka edhe eksperiencë, edhe risitë që vijnë qoftë nga nivelet më të larta të drejtimit të PS-së por edhe nga vetë komuniteti që përfaqësohet këtu nga socialistët 24 karatë. Ne jemi një hapësirë ku ka vend për të gjithë. PS është një mjet i atyre që janë brenda dhe të atyre që mund ta përdorin këtë mjet për qëllimet e mëdha. Një ndër qëllimet e mëdha është të shtyjmë vendin tonë drejt BE-së, duke rritur më tej cilësinë tonë të jetës. Do t’ju japim mundësinë shumë qytetarëve, që deri dje kanë qenë simpatizantë të punës që ne kemi bërë në nivel lokal“.