Disa nga fotot më të paharrueshme të Princeshë Dianës, si fustani i saj që theu protokollin mbretëror dhe shtrëngimi i duarve me një pacient me AIDS, ndryshoi mënyrën se si bota i trajtoi ata me sëmundjen.
Të gjitha këto foto ikonike janë ekspozuar në një ekspozitë të re në Londër dhe zgjat nga 25 maji deri më 2 shtator. Në këtë ekspozitë tregohet jeta e Dianës si një humanitare, një nënë dhe një ikonë mode, ku fotot më të veçanta janë kapur nga fotografi i njohur mbretëror Anwar Hussein, 85 vjeç.
Ai ka fotografuar princeshë Dianën prej kur ajo ishte 19 vjeç.
“Në fillim, disa më thanë nuk mund të bësh fotografi të mbretërve”, tregon Anwar për CNN përpara nisjes së ekspozitës.
“I thashë, pse jo? Unë dua një ndryshim. Unë isha duke bërë fotografi rock and roll, Bob Marley, Elton John, The Beatles. Por u lodha duke fotografuar këto momente”, shton ai.
Dy djemtë e Anwarit, Samir, 45 vjeç dhe Zak, 43 kanë ndjekur hapat e babait të tyre për t’u bërë fotografë mbretërorë. Ata kanë fotografuar pjesëtarët e rinj të familjes mbretërore.
“Diana me të vërtetë e zbuti trendin, veçanërisht për mbretërit. Ajo ndryshoi kaq shumë dhe gjërat që tani shihen si normale, si ajo që veshin Kate apo Meghan, ishte me të vërtetë Diana ajo që e ndryshoi të gjithë këtë”, tha Samir.
Foto e fustanit u realizuan në një festë të Vanity Fair në të njëjtën ditë kur Charles pranoi publikisht tradhtinë bashkëshortore.
Për Anwarin, është një foto shumë ndryshe që i bie në sy.
“Kjo ishte e preferuara e Dianës”, tha ai, duke treguar foton e princeshës duke përqafuar një pacient me kancer gjatë një takimi në një spital në Pakistan, viti 1996.
“Djali ishte i verbër. Ai ndjeu erën e të gjitha këtyre kimikateve që kishin përdorur, por asaj nuk i interesonte dhe e përqafoi atë. Më vonë, ai vdiq dhe ajo ishte shumë e trishtuar për këtë. Kjo tregon anën e saj humanitare”, tregon ai.
Gjatë viteve, Anwar dhe djemtë e tij kanë bërë qindra mijëra foto të familjes mbretërore. Megjithatë, ekziston një fjalë që duket se përmbledh imazhet e shfaqura: trashëgimi.
“Ne donim që ekspozita të ishte një festë e jetës së Dianës dhe trashëgimisë së saj. Ne kemi pasur filma për Dianën, kështu që ndihet sikur një gjeneratë krejt e re e përjeton atë”.
Dhe për Samirin dhe Zakun, babai i tyre ka pasur një ndikim të madh në jetën e tyre, diçka që ilustrohet nga dy foto pothuajse identike, por çuditërisht të ndryshme.
Në foton e parë, të realizuar në vitin 1992, Diana ulet e vetme përballë Taj Mahalit në Indi.
Anwarit iu tha në ditën e vizitës në Taxh Mahal se Charles kishte fejesë të tjera, kështu që Diana shkoi pa të, thotë Zak, duke kujtuar kujtimet e babait të tij. Rreth 24 vjet më vonë, Zak u kthye në të njëjtin vend për të fotografuar Princin William dhe gruan e tij, Catherine.
“Kishte shumë spekulime. A do ta rikrijonin foton e Dianës atje. Ata arritën dhe u ulën në stol, por këtë herë janë dy persona që janë shumë të dashuruar”, tregon ai.
Në shumë mënyra, ekspozita është një letër dashurie për dy familje.
Anwar tha: “Jam i kënaqur që imazhet e kapura, si dhe ato të djemve të mi, po ndahen në ekspozitë për të përkujtuar një grua kaq të mrekullueshme dhe djemtë e saj”./M.K-dritare.net