Nëna e 31-vjeçarit, që dyshohet se është abuzuar seksualisht nga dy burra në Elbasan, ka treguar më shumë në lidhje me ngjarjen e rëndë në një emision televiziv.
Nëna e të riut tha se njerëz të afërt të të dyshuarve i kanë thënë që ta heqë denoncimin. Ajo tregoi se është e divorcuar dhe se babai i të riut ndodhet jashtë Shqipërisë dhe se nuk ka dijeni nëse ai ka marrë vesh diçka për ngjarjen.
Nëna e 31-vjeçarit: Jam e divorcuar e jetoj vetëm. I ati i djalit nuk është në Shqipëri. Kam një djalë tjetër dhe ai nuk jeton këtu në Shqipëri. Më kanë thënë që hiq denoncimin, këtë e ka bërë vajza e të dyshuarit që është në arrest shtëpie.
Këtë fakt e kam thënë edhe në Prokurori. Djali është bërë më agresiv, që kur ngjarja është transmetuar në televizion.
Ajo shtoi më tej se kur i ka bërë dush djalit, vuri re se 31-vjeçarit i doli gjak. Sipas saj, djali ishte sëmurë për disa ditë dhe më vonë ka treguar se çfarë kishte ndodhur.
Ai ishte sëmurë dhe pastaj e kuptova më vonë. Më tej tregoi se kishte akoma gjak poshtë dhe më tregoi se ndodhi kështu e kështu. Kur i bëra dush i pashë gjak. Djali shkon ndonjëherë atje dhe bënte ndonjë muhabet. Çonte kafe atje, pak kohë kalonte.
Njëri nga ata punonte usta tek kantieri. Burrat që dyshohen për abuzim aty kanë punuar, këtu afër nesh. Unë djalin e kam mbajtur afër gjithmonë, por shkonte gjysmë ore tek ata iu çonte kafe.