Shqipëria zhvillon një paraqitje dinjtoze përballë Suedisë në “Friends Arena”, por nuk ja del të marrë rezultat pozitiv përballë skandinavëve. Kuqezinjtë janë mposhtur me rezultatin minimal 1-0. Goli i vetëm për skuadrën e Jon Dahl Tomason u realizua në minutën e 62.
Një krosim i bukur i yllit të Totenhemit, Dejan Kulusevski u kap bukur me kokë nga Gustaf Nilsson, i cili me një goditje të lehtë dërgoi topin në pas krahëve, të Tomas Strakoshës.
Në minutën e 55, Jasir Asani me një ta majtë fantastike nga jashtë zonës i shkoi fare pranë golit të avantazhit.
Anësoringaedjathtakrijoihapësirënpërtëgjuajtur, por tentativa e tij përfundon jashtë, ngjitur me shtyllën në të djathtë të Olsen.
Kuqezinjtë zhvilluan një 45 minutësh perfekt, teksa patën disa raste të pastra për të gjetur rrugën e rrjetës.
Armando Broja ishte i pari që lëshoi një sinjal të qartë në minutën e 12. Sulmuesi dha spektakël me një shpërthim në krahun e djathtë të sulmit. Ai hyri në zonë dhe u rrëzua pas një kontakti të mbrojtësit, por gjyqtari nuk dha penallti.
Në minutën e 18, Forsberg goditi shtyllën për Suedinë. Një aksion i suedezëve, brenda zonës ku shfaqet Forsberg, i cili goditi shtyllën e majtë pingule të Strakoshës.
👉 Free Ads in ckemi.net 🤙
Ndërkohë kuqezinjtë reaguan vetëm 4 minuta më pas. Mitaj nga e majta pasoi në zonë, ku Broja gjuajti dhe gjeti golin. Por vijërojtësi e anuloi për pozicion jashtë loje.
Në minutën e 24, Qazim Laçi dribloi bukur, hyri në zonë dhe goditi, por gjuajtja e tij shkoi ngjitur me shtyllën e mbrojtur nga portieri Olsen.