Albania

Rritja e çmimit të naftës ka ka revoltuar shumë qytetarë ne vendin tonë të cilët prej 3 ditësh po protestojnë. Sot disa studentë të Korçës janë mbledhur dhe kanë bllokuar rrugët në shenje revolte. Rinia korçare ka bojkotuar mësimin dhe me pankarta në duar po protestojnë për uljen e çmimit të naftës

Dhjetëra protestues janë mbledhur tek rrethrrotullimi i Plukut në Lushnje në shenjë proteste për rritjen e çmimit të naftës. Protestuesit kanë bllokuar aksin rrugor Rrogozhinë-Lushnje. Forca të shumta policie janë në këtë pikë dhe po negociojnë me protestuesit për hapjen e rrugës.

Protesta kundër rritjes së çmimeve para Kryeministrisë është përshkallëzuar.     Uniformat blu kanë tentuar të shpërndajnë turmën e mijëra qytetarëve të cilët protestojnë për të drejtat e tyre. Qytetarët kërkojnë ndryshimin e sistemit ekonomik, pasi sipas tyre prodhon vetëm rritje çmimesh, ndërsa kanë theksuar se taksat duhet të ulen urgjentisht.

Rritja e çmimit të naftës ka mbledhur qytetarët për të protestuar para kryeministrisë, ku kërkojnë heqjen e taksave. Mes qytetarëve ishte edhe aktori i humorit Flor Binaj, i cili mbante në dorë një pankartë me fotografinë e Bashës dhe Ramës të shoqëruar me thëniet e tyre. “Unë nuk kam humbur asnjë garë”, thotë Basha ndërsa Rama thotë: “Unë nuk kam rritur asnjë taksë”. “Shqiptarët rrëzuan diktaturën kur u bashkuan. Ndërsa protestojnë, liderin e kemi në Dubai. Presidenti i Ukrainës i jep njerëzve shpresë, ky i joni thotë shtrëngoni dhëmbët”, tha Binaj. Nga ana tjetër, pedagogu Ervin Goci kërkoi që shqiptarët të bllokojnë cdo centimetër të territorit të Shqipërisë derisa qeveria të vendosë. Ndër të tjera thotë se protesta nuk do të ndërpritet, nga dita e nesërme e në vijim ...