Pezullimi i Agron Shehajt ndez përplasje politike! Balla: Është delirant, kreu i “Mundësia”: Rama më ka frikë

Pezullimi i deputetit Agron Shehaj është kthyer në një tjetër përplasje politike, pasi kreu i partisë “Mundësia” nuk u lejua të marrë pjesë në seancën plenare të Kuvendit, megjithëse ai pretendon se afati i pezullimit kishte përfunduar.

Lexo dhe... TOKA NË SHPEJTËSI REKORD – 3 DITËT KUR PLANETI DO ROTULLOHET MË SHPEJT SE KURRË! ÇFARË PO NDODH ME NJERËZIMIN? | ÇKEMI NEWS 🔥

Sipas vendimit të Sekretariatit të Etikës, Shehaj ishte përjashtuar nga punimet e Kuvendit për 30 ditë kalendarike, me hyrje në fuqi më 22 qershor. Megjithatë, administrata e Kuvendit argumentoi se pezullimi nuk kishte mbaruar ende, pasi afati ishte ndërprerë për shkak të kërkesës së deputetit për rishqyrtimin e vendimit.

Lexo dhe... Kreshnik Spahiu paralajmëron konflikt fizik mes mes demokratëve për selinë e partisë

Lidhur me këtë situatë reagoi edhe ministri Taulant Balla, i cili deklaroi se procedurat janë zbatuar sipas Rregullores së Kuvendit dhe e cilësoi Shehajn “delirant”, duke theksuar se shërbimet parlamentare ia kishin sqaruar afatet.

Lexo dhe... Sociologët: Ndalimi i internetit është abuzim i fëmijës

Nga ana tjetër, Agron Shehaj e cilësoi vendimin politik dhe akuzoi kryeministrin Edi Rama se po përpiqet ta pengojë. “Rama më ka frikë”, u shpreh ai, duke insistuar se pezullimi i tij kishte përfunduar dhe se nuk kishte asnjë bazë ligjore për t’ia ndaluar hyrjen në Kuvend.
Çështja ka hapur debat mbi interpretimin e Rregullores së Kuvendit dhe mënyrën e llogaritjes së afateve të pezullimit të deputetëve.

Lexo dhe... Zjarr në pyllin me pisha në Patos, era ndihmon flakët

ÇKEMI NEWS
Ti je pjesë e Atdheut
Na ndiqni në rrjetet sociale: Facebook • Instagram • TikTok • YouTube

#ÇkemiNews #AgronShehaj #Kuvendi #Politikë #TaulantBalla #EdiRama #Shqipëri

(Vizituar 4 here, 4 vizita sot)