Në një cep të jugut, mes gurrash e kujtimesh, qëndron Delvina — qyteti që ka parë më shumë perandori, figura e ngjarje historike sesa shumica e reformave që bëhen e zhbëhen në Tiranë çdo katër vjet.
E ndërsa pushtetarët shfaqen aty për ndonjë inaugurim, foto apo premtim të radhës, Delvina rri e qesh — si një zonjë e mençur që ka parë gjithçka dhe s’ka nevojë për fjalë të mëdha.
Delvina s’ka nevojë për “strategji zhvillimi”, sepse ajo është vetë histori, kulturë e karakter. Ka nxjerrë mendje, burrni dhe gra të forta — jo dosje e tendera.
E sot, kur shohim politikanë që s’kanë jetuar as sa një kalldrëm i Delvinës, të flasin për “transformime epokale”, ironia bëhet vetë realitet.
Mbase është koha që ata që s’kanë histori, të mësojnë nga qytetet që s’e harrojnë të tyren.
Se Delvina, ndryshe nga reformat, nuk riformatohet çdo zgjedhje – ajo mbetet.
Nga redaksia e Çkemi News
Ne jemi lajmi që nuk fle kurrë – sepse e vërteta s’ka orar!
“Delvina ka më shumë histori se gjithë reformat tuaja bashkë”