Një lajm i hidhur ka tronditur sot botën e medias shqiptare: gazetari, publicisti dhe analisti i shquar Artur Zheji u nda nga jeta në Sarandë, në moshën 64-vjeçare, si pasojë e një arrestit kardiak.
Artur Zheji ishte një ndër figurat më të spikatura të gazetarisë shqiptare, i njohur për guximin, mendimin kritik dhe fjalën e lirë. Për dekada, ai kontribuoi në median e shkruar, televizion, publicistikë dhe akademi, duke u bërë një nga zërat më të rëndësishëm të debatit publik në vend.
Sipas të dhënave zyrtare, Zheji pësoi një arrestit kardiak teksa ndodhej në një restorant me familjen, duke mos mundur të mbijetonte pavarësisht ndërhyrjes së shpejtë mjekësore.
Portali Çkemi News shpreh ngushëllimet më të sinqerta për familjen, miqtë dhe kolegët e tij në këto momente të rënda.
U prehsh në paqe, Artur Zheji.