Tiranë, 4 Gusht 2025 –
Një projekt inovativ dhe me vlera të mëdha kulturore ka nisur zhvillimin në Shqipëri nga eksperti i teknologjisë së informacionit, Nedion Marku. Projekti mban emrin “Vizito Shqipërinë” dhe ka për qëllim të ofrojë një udhërrëfyes digjital për qytetarët dhe vizitorët vendas e të huaj, përmes të cilit mund të eksplorojnë pasuritë historike, kulturore dhe natyrore të vendit.
“Vizito Shqipërinë” do të jetë në formën e një aplikacioni dhe/ose faqeje interaktive, ku përdoruesit do të gjejnë:
Informacion mbi vendet më të rëndësishme kulturore dhe historike
Harta interaktive me vendndodhje të saktë
Foto, përshkrime, legjenda dhe të dhëna të dobishme për çdo atraksion
Mundësi që të rinjtë të kontribuojnë me informacion, foto apo komente nga përvoja e tyre
> “Ky projekt nuk është thjesht teknologjik, por një thirrje për të rinjtë që të lidhen me rrënjët e tyre dhe ta ndajnë Shqipërinë e bukur me botën,” – u shpreh Nedion Marku, ideatori i projektit.
Iniciativa ka për synim të mbushë një boshllëk që mungon prej vitesh: një sistem i thjeshtë dhe i arritshëm që bashkon teknologjinë me trashëgiminë shqiptare. Në fazën e parë, “Vizito Shqipërinë” do të përfshijë qytete si Shkodra, Gjirokastra, Berat, Kruja dhe Thethi, me qëllimin që të zgjerohet më pas në të gjithë territorin.
Projekti është menduar të përdoret nga:
Nxënës, studentë dhe mësues për edukim kulturor
Turistë që dëshirojnë të njohin Shqipërinë përtej guidave të zakonshme
Shqiptarë të diasporës që kërkojnë të lidhen me vendlindjen