Policia e Shtetit njoftoi ditën e djeshme se ka nisur procedimin në gjendje të lirë për 20-vjeçarin me inicialet A.H. Kjo pasi Aldo Hasani, publikonte foto në rrjetet sociale, i veshur si polic madje edhe me armë zjarri.
Ai shprehet se e kanë transferuar nga Dibra në Lezhë, por sipas verifikimeve nuk është fare punonjës policie.
Aldo Hasani: O zotëri! Unë tani punoj në Lezhë, më kanë transferu në Lezhë. Në Dibër kam pas punu, po tani jam në Lezhë. Ai kërkonte një dokument policie, me gradën shef i krimit ekonomik.
Pas kësaj Aldo filloi të bënte video prezantuese edhe të “aksioneve policore”, që sipas tij kishte bërë, raporton Klan.
Aldo Hasani: Përshëndetje të gjithëve! Unë quhem Aldo Hasani, shef i Krimit Ekonomik në Drejtorinë Vendore të Policisë Dibër. Dua të prezantoj 70 operacionet e kryera nga unë në këtë javë. Falenderoj z. Ilir Proda për besimin.
Madje i vetëshpalluri Shef i Krimit Ekonomik merr edhe denoncime.