PETICION
Kundër Varrosjes së Anastas Janullatosit në Tokën Shqiptare
Drejtuar: Presidentit të Republikës së Shqipërisë,
Qeverisë Shqiptare, Kryeministrit të Shqipërisë,
Ministrisë së Brendshme dhe Institucioneve Përkatëse
Ne, qytetarët shqiptarë të nënshkruar më poshtë, shprehim shqetësimin dhe kundërshtimin tonë ndaj mundësisë së varrosjes së Anastas Janullatosit në tokën shqiptare.
Si figurë fetare dhe publike, Janullatosi ka qenë një figurë kontradiktore, e cila është akuzuar shpesh për veprime që bien ndesh me interesat kombëtare shqiptare dhe sovranitetin territorial të vendit tonë. Përfshirja e tij në çështje që prekin integritetin kombëtar, lidhjet e tij të forta me qarqe që kanë pasur një qasje armiqësore ndaj Shqipërisë dhe heshtja e tij ndaj padrejtësive historike që i janë bërë kombit shqiptar, e bëjnë të papranueshme që ai të prehet në këtë tokë.
Për këto arsye, kërkojmë që institucionet shtetërore shqiptare të:
- Ndalohet varrimi i Anastas Janullatosit në territorin shqiptar, pasi prania e tij edhe pas vdekjes është një fyerje për kujtesën historike dhe interesat kombëtare të shqiptarëve.
- Të rishikohet statusi i tij post-mortem dhe ndikimi që ka pasur në politikën fetare dhe kombëtare në Shqipëri.
- Të sigurohet që autoritetet fetare dhe shtetërore të respektojnë ndjenjat dhe interesat e shumicës së popullit shqiptar në vendimet që lidhen me figurat që kanë pasur ndikim të diskutueshëm në jetën publike dhe kombëtare.
Ky peticion është shprehje e vullnetit të qytetarëve shqiptarë që kërkojnë mbrojtjen e dinjitetit kombëtar dhe integritetit territorial të Shqipërisë. Ftojmë çdo shqiptar të bashkohet me nënshkrimin e këtij peticioni në mbrojtje të vlerave dhe identitetit tonë kombëtar.
AutoriÇkemi News