Një konflikt mes dy personave ka përfunduar me vrasje në Durrës. Mëson se autori e ka qëlluar me grusht, duke e hedhur nga ura për motive të dobëta dhe ka përfunduar në një kanal të ujërave të zeza.
Dyshohet se sherri ka nisur për ngacmimin e gruas së autorit nga viktima. Autori është arrestuar nga policia. Ekspertët po mbledhin prova të zbardhur ngjarjen.
Mësohet, se i riu 33-vjeçari B.SH,ishte shpallur i humbur nga i ati, ndërsa policia gjeti trupin e tij vetëm sot.
Hodhi nga ura për motive të dobëta shokun e tij dhe fshehu krimin, pas kontrolle intensive shërbimet e Policisë gjetën trupin e pajetë të 33-vjeçarit.
Pas veprimeve hetimore të thelluara të kryera nga strukturat hetimore të DVP Durrës nën drejtimin Prokurorisë, në kuadër të operacionit policor të koduar “Kontakti”, Policia identifikoi, kapi dhe arrestoi autorin e vrasjes së 33-vjeçarit.
Policia vuri në pranga autorin e dyshuar një 35-vjeçar, që dyshohet se e ka shtyrë me qëllim 33-vjeçarin drejt kanalit.
Shtetasi H. Sh., banues në lagjen nr. 15 Durrës, më datë 04.12.2024, ka kallëzuar në Komisariatin e Policisë Durrës, se prej datës 02.12.2024, djali i tij shtetasi B. Sh., 33 vjeç, ishte larguar nga banesa dhe kishte humbur kontaktet me të.