Forcat e Armatosura do të pajisen së shpejti me dronë “Bayraktar”, teknologjia më e lartë e fluturimeve që përdoren për misione ushtarake, policore dhe civile.
Përmes një mesazhi në rrjetet sociale, kryeministri Edi Rama ka publikuar pamje të dronëve duke theksuar se kompletimi i Shqipërisë me ta përbën rëndësi të veçantë të sigurisë tonë kombëtare dhe asaj të Aleancës.
“Kjo është pamja e dronëve “Bayraktar” që shumë shpejt do të bëhen pjesë e Forcave tona të Armatosura, teknologjia më e lartë e fluturimeve që përdoren për misione ushtarake, policore dhe civile.
Kompletimi i Shqipërisë me flotën e këtyre dronëve përbën rëndësi të veçantë në funksion të sigurisë sonë kombëtare dhe asaj të Aleancës, si respektim i detyrimeve që rrjedhin nga Strategjia e Sigurisë Kombëtare, Strategjia Ushtarake dhe objektivat e Kapaciteteve të NATO-s.
Të përkushtuar për të përdorur teknologjinë më të avancuar në mbrojtjen e territorit tonë”- shkruan Rama.