15-vjeçari zviceran vret me thikë të riun shqiptar, banorët: Ishte fëmijë i vetëm

Një sherr me thika ka ndodhur mbrëmjen e kaluar në komunitetin Thurgau të Sirnach, Zvicër. Një mosmarrëveshje mes disa personave u përshkallëzua në përdorimin e thikës dhe vdekjen e një 18-vjeçari.

Pak pas orës 20:00, banorët raportuan në polici një mosmarrëveshje mes dy personave në Feldstrasse. Kur mbërriti patrulla e parë e policisë, një i ri me plagë thike ishte i shtrirë në anë të rrugës. Autoambulanca që mbërriti në vendngjarje u përpoq ta shpëtonte të riun por nuk ia doli dot pasi ai u shpall i vdekur menjëherë. Policia ka arritur të arrestojë 15-vjeçarin zviceran por ende nuk dihen motivet e këtij sulmi të rëndë.

Një burrë që ka jetuar në Sirnach për gati 40 vjet tha se 18-vjeçari që vdiq ishte një fëmijë i vetëm:

Ai është shqiptar dhe jeton vetëm me nënën e tij.

Banorët janë shqetësuar dhe trembur shumë pas sulmit të ndodhur në mes të rrugës dhe pranë shtëpive të tyre.