Situata në të cilën ndodhet sot Partia Demokratike është një situatë e vështirë por, jo e pamundur për tu tejkaluar pa kërcënuar shtyllat e saj kryesore më të cilat ajo mbahet në këmbë. Këto shtylla ngrihen mbi themelet më të forta që janë krenarisht demokratët, idealistë dhe të fisëm.
Si drejtues i degës të Partisë Demokratike Delvinë në këto 8-vite opozitë, shpreh mirënjohjen më të sinqertë për demokratët e Delvinës, të cilët përtej mendimeve të ndryshme që ndajnë, nuk kanë lejuar në asnjë moment ta shohin njëri-tjetrin si armik brenda familjes së tyre politike.
Kjo fisnikëri, ky standard i moralshëm njerëzor, i cili mundësoi rezultatin më të mirë në këto 31-vite tranzicion, më bënë të ndihem krenar dhe plotë shpresë se një ditë ky vend, kjo Delvinë e bukur plotë histori dhe vlera patriotike dhe njerëzore, do të bëhet një vend i admirueshëm për të jetuar.