Një deputete në Tanzani është dëbuar nga parlamenti për veshjen e pantallonave të gjykuara ‘shumë të ngushta’.
Condester Sichwale, një ministre e partisë qeverisëse u dëbua nga parlamenti pasi kolegu i saj Husein Amar u ankua për veshjen e saj.
“Kodi i veshjes është shumë i qartë, por ka motra këtu që nuk vijnë të veshura modestisht. Deputetja në krahun tim të djathtë për shembull. Me bluzën është në rregull, por pantallonat i ka të ngushta. Parlamenti është pasqyrë e shoqërisë dhe këtu kemi disa motra që janë ligjvënëse dhe që vishen çuditshëm. Çfarë po i tregojnë ato shoqërisë sonë?” – tha deputeti Amar.
“Shkoni vishuni mirë dhe pastaj kthehuni”, ishte kërkesa që iu bë ministres Sichwale. Ajo doli jashtë por mbetet e paqartë nëse u kthye sërish atë ditë.
Qortimi ka shkaktuar reagim të ashpër dhe të zemëruar me një grup deputetesh femra duke e quajtur atë ‘të padrejtë’ dhe duke kërkuar falje.
