Mira Rakacolli, kryetarja e Komitetit të Ekspertëve, ka reaguar sot mbi situatën e Covid-19 në Shqipëri. Gjatë ditëve të fundit, ka pasur një rritje të numrit të të infektuarve.
Rakacolli ka thënë se Komiteti Teknik ka shqyrtuar rritjen e numrave, që ka ardhur si pasojë e humbjes së vigjilencës. Zv. ministrja e Shëndetësisë ka thënë se janë shqyrtuar rastet e reja ditore, situata në spitale dhe pacientët në terapi intensive.
Komiteti Teknik, në bazë të vlerësimit të kësaj situate, vlerëson se situata mbetet e kontrolluar. Kështu, Rakacolli ka bërë të ditur se është vendosur mos të ketë hapa prapa në strategjinë e rihapjes.
Por për më shumë siguri, në kushtet aktuale do të shtyhet për të paktën një javë hapja e transportit publik. Ky shërbim paraqet risk të lartë në këtë situatë pandemie.
