Europa është sërish në ankth! Figura të armatosura, pa uniforma dhe pa simbole, janë parë pranë kufirit midis Estonisë dhe Rusisë — dhe pamja e tyre ka ndezur “sirenat e alarmit” në NATO.
Në terren, autoritetet estoneze kanë rritur nivelin e sigurisë dhe kanë mbyllur disa zona kufitare, ndërsa zërat për “burrat e vegjël të gjelbër” të Putinit janë rikthyer më fuqishëm se kurrë.
Sipas mediave britanike dhe raporteve të inteligjencës perëndimore, këto grupe misterioze mund të jenë pjesë e “fazës zero” të një lufte hibride që Kremlini po përgatit kundër Europës.
Ata veprojnë në heshtje, pa u identifikuar, dhe janë të trajnuar për sabotim, dezinformim dhe krijim paniku — një strategji që Rusia e ka përdorur me sukses në pushtimin e Krimesë në vitin 2014.
NATO ka reaguar me paralajmërime të ashpra ndaj Moskës, ndërsa Rusia mohon çdo përfshirje, duke e cilësuar këtë si “provokim perëndimor”.
Megjithatë, ekspertët e sigurisë thonë se kjo është një taktikë e njohur e Putinit: të testojë gatishmërinë e Europës pa shpallur kurrë një luftë të hapur.
Në Bruksel po flitet për një “luftë të padukshme”, ku armët janë frika dhe informacioni.
Nëse “burrat e gjelbër” janë vërtet rikthyer, atëherë Europa mund të jetë përballë fazës më të rrezikshme të dekadës.
A po përgatitet Putini për një tjetër Krime — këtë herë në kufijtë e NATO-s?
Koha do ta tregojë.
✍️ Çkemi News