Një ngjarje tronditëse ka ndodhur në qytetin Reggio Calabria të Italisë, ku policia ka zbuluar trupat e dy foshnjave të sapolindura të fshehur brenda një dollapi në banesën e një gruaje 25-vjeçare.
Sipas mediave italiane, e reja është vendosur në arrest shtëpie me byzylyk elektronik, ndërsa akuzohet për vrasje të dyfishtë (duplice infanticidio) dhe fshehje të trupave. Hetimet nisën pas sinjalizimeve të fqinjëve, të cilët kishin ndier një erë të fortë që vinte nga banesa e saj në zonën Pellaro.
Autoritetet po punojnë për të zbardhur plotësisht rrethanat e tragjedisë. Prokuroria ka urdhëruar autopsinë e foshnjave për të përcaktuar shkakun e vdekjes, ndërsa hetuesit po verifikojnë edhe mundësinë e një rasti tjetër të ngjashëm që mund të ketë ndodhur në vitin 2022 — megjithatë, kjo pistë mbetet ende pa prova të konfirmuara.
Ngjarja ka tronditur opinionin publik italian dhe ka hapur sërish debatin mbi mbështetjen psikologjike dhe sociale për nënat e reja në vështirësi.
Çkemi News