Një burrë nga Shtetet e Bashkuara ka ndarë një rrëfim që po bën xhiron e botës, pasi përjetoi diçka që ai vetë e përshkruan si “më e keqja që mund të imagjinohet”. Pas një sulmi në zemër, ai u shpall klinikisht i vdekur për gjashtë minuta — por ajo që ndodhi gjatë atyre momenteve e ka ndryshuar përgjithmonë jetën e tij.
Sipas dëshmisë së tij, gjatë periudhës kur zemra i kishte ndaluar së rrahuri, ai u gjend në një vend të errët, pa dritë, pa zë dhe me një ndjenjë të thellë frike e vetmie. “Nuk mund të imagjinoj asgjë më të keqe se ajo që pashë dhe ndjeva,” – tha ai. “Ishte sikur çdo frikë që kam pasur ndonjëherë, të ishte bërë e gjallë përballë meje.”
Mjekët arritën ta rikthenin në jetë pas gjashtë minutash reanimacion intensiv, por ai thotë se kujtimet e asaj përvoje e ndjekin ende çdo ditë. Pas ngjarjes, burri ndryshoi plotësisht mënyrën e të jetuarit dhe u bë më falës, më shpirtëror dhe më i përulur ndaj jetës.
Ndërkohë, ekspertët e mjekësisë thonë se përvoja të tilla ndodhin tek disa pacientë që përjetojnë “vdekje klinike” dhe mund të lidhen me mungesën e oksigjenit në tru. Megjithatë, shumë njerëz besojnë se këto janë dëshmi të jetës pas vdekjes – një mister që shkenca ende nuk ka arritur ta shpjegojë plotësisht.
Çkemi News