Mos harroni ju që po kërkoni votën se Vetëdija për Bashkimin Kombëtar është Siguri Kombëtare.
Zgjedhjet në Republikën e Kosovës duhet të zhvillohen në mënyrë të qetë dhe demokratike.
Gjatë kësaj fushate nuk dëgjova ide se si qeveria e ardhshme e Kosovës do t’i qaset çështjes së Bashkimit Kombëtar, një aspiratë e kahmotshme e shqiptarëve.
Diskutimet më shumë kanë pasur karakter lokal sesa qendror, ndërsa temat për të ardhmen e Kosovës në gjeopolitikën e Ballkanit dhe sigurinë kombëtare janë trajtuar shumë pak ose aspak.
Qytetarët shqiptarë duhet të jenë të vëmendshëm se kujt do t’ia besojnë fatin politik të vendit.
Nevojitet një qeveri që vepron në interes të sigurisë së shqiptarëve dhe mbron të drejtat e kombit kudo ku ai jeton.
Duhen institucione të fuqishme dhe të besueshme, të afta për të përmirësuar jetën e qytetarëve.
Institucionet e ardhshëm duhet të mbrojnë idenë e Bashkimit Kombëtar dhe të punojnë për të mirën e gjithë shqiptarëve pa dallim.
Uroj për zgjedhje të lira dhe demokratike.
Hyzri Salihu
Siguria Kombtare
07.02.2025