Të paktën një minator u vra dhe 11 u shtruan në spital për shkak të një tërmeti në një minierë qymyri që i përket kompanisë polake PGG në Radlin, njoftoi grupi.
Siç shtohet, tërmeti ka ndodhur gjatë natës në rreth 800 metra nën tokë, raporton Reuters.
“Ishin 29 punonjës tanë në zonën e kërcënuar. Njëmbëdhjetë prej tyre u transferuan në spital. Fatkeqësisht, një nga kolegët tanë, një nga minatorët, vdiq,” tha Ushtruesi i Detyrës së Kryeshefit Ekzekutiv të PGG Bartos Kepa.
Drejtori i shërbimeve lokale të emergjencës, Lukas Pah, tha se minatori u shpall i vdekur në vend dhe se katër të plagosurit janë në gjendje të rëndë.
Operacioni për sigurimin e zonës së prekur është ende në vazhdim dhe dëmet materiale në minierë nuk janë vlerësuar ende, sipas PGG.
Portali Lajmifundit sjell Lajme nga Shqipëria, rajoni dhe bota në kohë rekord. Ju lutemi na kontaktoni nëse doni të kontribuoni me informacione të vlefshme për publikim në portalin tonë.