Presidenti rus, Vladimir Putin, të enjten propozoi një “duel” me Shtetet e Bashkuara ku do të dëshmohej, sipas tij, se raketa e re balistike hipersonike e Rusisë, “Oreshnik”, do të mposhtte çfarëdo sistemi amerikan të mbrojtjes ajrore.
Duke folur rreth skepticizmit të Perëndimit rreth raketës ruse “Oreshnik”, Putini sugjeroi që të dyja palët të caktonin një cak që do të mbrohej nga raketat amerikane, raporton agjencia e lajmeve “Reuters”.
“Ne jemi të gatshëm për një eksperiment të tillë” – tha kreu i Kremlinit.
Presidenti rus gjithashtu tha se raketa “Oreshnik” është armë moderne, edhe pse është e mbështetur në zhvillimet e mëparshme ruse të dizajnit.
Rusia për herë të parë e hodhi raketën “Oreshnik” drejt qytetit ukrainas Dnipro më 21 nëntor, në atë që Putini e ka paraqitur si kundërpërgjigje ndaj përdorimit për herë të parë të raketave balistike amerikane ATACMS nga Ukraina dhe raketave britanike “Storm Shadoë” për të sulmuar territor rus me lejen e Perëndimit.
(Vizituar 121 here, 1 vizita sot)