SHBA-Frika nga shpërthimi i një lufte bërthamore që mund të vraSë me miliona njerëz po rritet. Edhe më e madhe është frika e shkatërrimit që do të sillte kjo një luftë bërthamore.
‘Ecoindiatimes’ shkruan se konflikti aktual midis Rusisë dhe Ukrainës ka rihapur debatin për përdorimin e armëve bërthamore, pasi ushtritë e këtyre dy kombeve u përplasën në Uzinën Bërthamore të Zaporizhias (e nëse do të kishte ndodhur një shpërthim, katastrofa do të ishte 10 herë më e madhe se Çernobili).
Shtetet e Bashkuara të Amerikës raportuan se kanë parë duke fluturuar mbi shtetin e Nebraskës “avionin e fundit të botës” të njohur të Forcave Ajrore, rezistent ndaj bombave bërthamore, pasi Vladimir Putin paralajmëroi përgatitjen e forcave bërthamore ruse.
Shkatërrimi i një lufte bërthamore
Arsyeja numër një për shqetësimin e luftës bërthamore janë pasojat radioaktive. Pluhuri radioaktiv nga bombat shpërthyese ngrihet në atmosferë dhe përhapet në zona të mëdha të botës nga bie, duke shkaktuar nivele vdekjeprurëse të rrezatimit.
Arsyeja e dytë është më pak e njohur. Por kjo pasojë, ‘dimri bërthamor’ dhe uria botërore që do të pasonte, besohet të jetë pasoja më e rëndë e luftës bërthamore.
