Ish-presidenti i SHBA Donald Trump mohoi të kishte sulmuar se ksua lisht shkrimtaren e revistës E. Jean Carroll, duke thënë se ai kurrë nuk i ka bërë presion një gruaje për të kryer marrëdhënie se ksuale me të.

“Por është një akuzë e rreme. Nuk ka ndodhur kurrë. Kurrë”, tha Trump për pretendimet e Carroll, e cila e akuzoi se Trump e pë rdhnoi atë në një dyqan të Nju Jorkut në mesin e viteve 1990.

Në dëshminë që daton në tetorin e kaluar dhe pjesërisht e bërë publike, Trump përsërit se nuk e njeh Carroll dhe e akuzon atë se ka shpikur historinë e pë rdhu nimit.

“Unë nuk e njoh atë. Mendoj se është e sëmurë, e sëmurë mendërisht”, tha ish-presidenti Trump.

Gruaja e paditi atë dy herë: një herë për shpifje në lidhje me gjykimin ndaj saj, duke përfshirë se “ajo nuk është tipi im”.Në të parën, ish-presidenti amerikan u mbrojt duke thënë se e kishte thënë atë fjali sepse ishte ndjerë “i ofenduar nga gënjeshtrat e kësaj gruaje”.