Tronditës për të gjithë ka qenë lajmi i shtatorit të 2018 kur u hodh dritë mbi një ngjarje përtej të imagjinueshmes. Një 26-vjeçare theu heshtjen dhe denoncoi të atin i cili kishte abuzuar seksualisht me të për 16 vite rresht. Nga kjo histori incesti kishte pasur edhe shtatzëni që kishin përfunduar në abort. Gjithçka nisi në 2002 kur vajza ishte vetëm 9 vjeç dhe prindërit e saj u divorcuan.
Babai Qirjako Nakuçi u vu në prangat e policisë dhe pas hetimeve disa mujore ai u shpall fajtor në të dyja shkallët e gjykatës dhe u dënua me vendim të formës së prerë me 15 vite burg.Në News24, gjyshi nga ana e nënës tregoi detaje tronditëse në lidhje me jetën e mbesës dhe vajzës së tij, ndërsa i akuzuari nga paraburgimi nëpërmjet një lidhje telefonike në studio kërkonte pafajësi. Por, pavarësisht se drejtësia foli dhe e shpalli fajtor, motra e Qirjakos beson ende në pafajësinë e tij. Sipas saj, ndaj tij është ngritur një kurth për t’i marrë shtëpinë.
Motra e vajzës së abuzuar deklaroi se halla e saj e ka parë vëllain, pra babain e saj me vajzën në krevat lakuriq dhe se i ka thënë ‘mbaje ti për grua se sa ta marri bota ta përdori’.
“Mami e ka kaluar paksa, por ende e rënduar është për situatën e motrës e cila u bë bujë e madhe. Unë e vendosa të dal publikisht për të sqaruar opinionin dhe alibitë. Për të gjithë ata që na ndjekin duhet ta dini se Heleni Nakuçi ka stisur gjithë këtë situatë, ju lutem t’i tregoni publikut certifikatën e shtëpisë të cilën e ka e bija e Helenit, pra ato kanë luftuar dhe kanë bërë shantazhe. Ajo Heleni e di shumë mirë që gjendja e shtëpisë si ka qenë dhe si është tani, edhe pse njëra nga dhomat është në proces gjyqësor sepse vet Qirjako Nakuçi ia ka dhënë në pronësi. Dhoma e gjumit është vënë aty që të përdoren nga Eleni edhe vajza e saj.
Është Irisi ajo që ka hedhur motrën time në gjyq, madje plaçkat ia hodhi pa e njoftuar duke mbyllur edhe derën ku vëllai ka fjetur në shkallët e pallatit. Ajo Eleni është e pafytyrë dhe më ka lënë motrën dhe vëllain rrugëve. Në këtë rast edhe Qirjako Nakuçi ra peng i trillit të kësaj Elenit. Eleni e ka ditur shumë herët abuzimin e motrës dhe nuk na ka lënë të flasim sepse turpëronim fisin dhe familjen Nakuçi. Eleni e ka parë motrën time lakuriq në mes të krevatit duke fjetur me Qirjakon, ajo e ka gjetur vet Qirjakon në banjë duke dalë dhe duke i pohuar se vajza ishte brenda në banjë duke bërë dush. Ajo i ka thënë Qirjakos mbaje ti për grua se sa ta marri bota ta përdori, ajo hallë që është e pafytyrë duke dal sot në opinion dhe kërkon dhe bën të pafajshëm Qirjakon. Ajo meriton të futet brenda në burg, si mund të bënte një grua si Eleni gjithë këtë stisje për të marrë këtë shtëpi. Ajo është kaq e pafytyrë dhe shumë femër e poshtër. Motra aktualisht ka krijuar familje, ka një fëmijë 5 muajsh, faleminderit Zotit sepse opinioni këtu të lë pa martuar. Unë në sallë kam thënë atë që kam parë edhe dëgjuar”, deklaroi motra e vajzës së abuzuar.
Ndërkohë Eleni motra e Qirjakos këmbënguli që gjithçka bëhet për pronësinë e shtëpisë.