3 MINUTA FLESH | ÇKEMI NEWS TV
Shqipëria sot përballet me zhvillime të shumta në politikë, turizëm, sport dhe kronikë.
Kryeministri Edi Rama, nga Forumi i Bledit, deklaroi se Shqipëria mbetet e palëkundur në rrugën e integrimit europian dhe se vendosmëria për BE është më e fortë se kurrë.
Ndërkohë, bregdeti shqiptar ka nisur të boshatiset nga turistët. Ekspertët paralajmërojnë se vendi po përsërit gabimet e Greqisë dhe Italisë të para 30 viteve, duke vënë në rrezik sezonin turistik.
Në sport, kombëtarja shqiptare po stërvitet në Malaga për dy ndeshje kyçe: miqësoren ndaj Gjibraltarit dhe përballjen e rëndësishme me Letoninë më 9 shtator në “Air Albania”. Objektivi është i qartë – vetëm fitorja.
Nga drejtësia, analisti Çollaku ka deklaruar se SHBA ka marrë në duar përgjimet e SKY për lidhjet mes politikës dhe krimit, ndërsa sipas tij SPAK nuk mund të prekë dy dosje të mëdha.
Dhe nga kronika, një ngjarje tronditëse në Librazhd: një 28-vjeçare dyshohet se ka dhunuar fillimisht vjehrrin e vjehrrën dhe më pas bashkëshortin e kunatin, duke përfunduar në prangat e policisë.