E pasi ka marrë barnat dhe mjekimet në farmaci, ai është rikthyer në banesë.
KOLONJË– Një 32-vjeçar ka ndërruar jetë gjatë rrugës për në spital. Genti Isai, nga fshati Kagjinasi i Kolonjës kishte pasur sot parasdite shqetësime për dhimbje dhëmballe, ndërsa ka shkuar tek stomatologu dhe ka marrë recetën e qetësuesve. E pasi ka marrë barnat dhe mjekimet në farmaci, ai është rikthyer në banesë.
Pak orë më vonë, 32-vjeçari nuk është ndjerë mirë në banesë, dhe ka qenë babai i tij që ka lajmëruar ambulancën, ku gjatë transportimit për në spital, fatkeqësisht i riu ka ndërruar jetë. Për vdekjen e të miturit, pritet të kryhet autopsia e viktimës për të zbuluar shkaqet e ngjarjes së rëndë.
NJOFTIMI I POLICISË:
Kolonjë/Informacion paraprak
Sot, rreth orës 17:00, në fshatin Kagjinas, Kolonjë, në banesë, ka ndërruar jetë shtetasi G. I., rreth 32 vjeç. Nga këqyrja e jashtme e trupit të 32-vjeçarit, nuk janë konstatuar shenja dhune. Pritet ekspertiza mjeko-ligjore për të përcaktuar shkakun e vdekjes. Grupi hetimor po punon për të sqaruar rrethanat e ngjarjes.