Agjencia amerikane hapësinore NASA ka nisur një projekt të ri për të kërkuar alienët duke u fokusuar te gjurmë të teknologjisë në hapësirë që nuk ka shkuar nga Toka. Bëhet fjalë për përdorimin e pajisjeve të çuditshme në hapësirë, si panele diellore, mega-struktura ose kimikateve përmes të cilave NASA kërkon të përcaktojë ekzistencën e alienove.
“Daily Star” shkruan se nisma e re e NASA-s dëshiron të zbulojë të ashtuquajturat “tekno-nënshkrime”, apo prova shkencore të teknologjisë së kaluar ose të sotme që mund të kenë ardhur nga një planet tjetër. “Projekti i Kërkimit të Inteligjencës Aliene (SETI) është përballur gjithmonë me sfidën se ku mund të nisin kërkimet. Nga cili yll duhet nisur për të kërkuar një sinjal. Tani ne e dimë se ku të kërkojmë.
Kemi mijëra ekzo-planetë, përfshirë në zonën e banueshme përreth yjeve të tyre dhe në të cilat mund të formohet jeta. Loja ka ndryshuar” – tha astronomi Adam Frank, profesor në Universitetin e Rochester. Ekspertët janë të interesuar posaçërisht për planetin Proxima B, një yll i dikurshëm që tani është shuar dhe që i ngjan Tokës.
“Nëse një civilizim në atë planet dëshiron të ndriçojë ose të ngrohë gjatë natës, ai mund të vendosë qeliza foto-sensitive në anën ku është vazhdimisht ditë dhe të transmetojë energji elektrike atje ku është natë,” – tha dr. Avey Leb nga Universiteti i Harvardit.